Etxebarriko Eskolako Agenda 21 Foroak amaiera eman dio 2017-2018 ikasturteari

Etxebarriko Eskolako Agenda 21 Foroa asteartean, maiatzaren 29an, Udaletxeko osoko bilkuren aretoan ospatu zen. Ekitaldian parte hartu dute Loren Oliva Alkateak, Miguel Ángel Herrero Alkateordeak, Zuriñe De la Horra Zinegotziak eta 9 ikaslek osatutako ordezkaritza batek, Etxebarri BHIko Eskolako Agenda 21 programa koordinatzen duen irakasleak lagunduta, bai eta Miren Aguirreazkuenaga, Eusko Jaurlaritzaren Ingurugela-CEIDAko ordezkari batek ere. Ekitaldiak amaiera ematen dio 2017-2018 programari, Klima Aldaketaren aurrean zer? gai nagusi hartuta.

Udalak ongietorria eman ostean, ikasleek aurreko ikasturtean hartutako konpromisoen betekizun-mailaren jarraipena egin dute. Bestalde, udal-arduradunek udalerrian espezie exotiko inbaditzaileak ez hedatzeko egindako jarduketak azaldu dituzte, hartara, 2017ko maiatzeko foroan bildutako proposamenei erantzuteko.

Jarraian, ikasleek Eskola Agenda 21 esparruaren baitan ikasturte honetan egindako jarduketen laburpen bat egin dute, besteak beste: bideo-lehiaketa batean parte hartzea; aukeren merkatua eta “egun jasangarria” antolatzea (azken horretan, garraio publikoa erabiltzera eta ingurumenarekiko jasangarriak diren jarduketak egitera gonbidatu zituzten ikasleak); eraikinaren kontsumo elektrikoaren hileko erregistroa; Institutuko elementuen kontrola (argiak edo stand-by duten tresnak itzaltzea, esaterako); udaletxera bisita bat egitea, eta jardunaldi teknikoa BC3ren eskutik.

Halaber, honako eskakizun hauek egin dizkiote Etxebarriko Udalari: 1) Energia berriztagarrien inguruan herritarrak sentsibilizatu eta informatzeko kanpaina bat; 2) Etxeetan energia-kontsumoa murrizteko moduei buruzko tailerrak; 3) Udalean ingurumenarekin arduratsuak diren kontratazioak eta erosketak egitea: ibilgailu elektrikoak, kontsumo txikiko argiak, besteak beste; 3) Zergen bidez energia berriztagarrien erabilpena sustatzea.

Azkenik, Aldaketa Klimatikoari aurre egiteko ikastetxeak hartu dituen konpromisoak azaldu dituzte. Loren Oliva Alkateak beste erronka bat barne hartzera animatu ditu: institutuko eraikin berriaren diseinuan jasangarritasunari eta ingurumenari mesede egiten dioten proposamenak batzen dituen txosten bat egin eta helaraz dezatela.

Ikasleentzako kontu interesgarriei buruzko solasaldi baten ostean, ekitaldiari amaiera amen diote eta parte-hartzaileek opari bana jaso dute.

Etxebarri_Foro

 

Aurkezpen osoa

2017-2018 ikasturteko Eskolako Agenda 21 Foroa egin da Galdakaon

Galdakaoko Eskolako Agenda 21 Foroa ospatu zen maiatzaren 30ean (asteazkena), Udaletxeko osoko bilkuren aretoan. Saio horrekin, amaiera eman zitzaion 2017-2018 ikasturteko Eskolako Agenda 21 programari, zeinak aurten gai hau jorratu baitu batez ere: zer egin aldaketa klimatikoaren aurrean?

Ekitaldiaren aurretik, 35 ikaslek (Andra Mari BHI, Bengoetxe BHI, Eguzkibegi Ikastola HLBHIP, Elexalde BHI, Galdakao HHI eta Ostalaritza Galdakao BHI ikastetxeetakoak) Eskolarteko Foro bat egin zuten, udal arduradunei eskaerak helarazi aurretik, guztiak bateratzeko. Dinamika horretan, udaletxera egindako bisitan ondorioztatutakoak eta ikasitakoak gogoratu zituzten, bai eta BC3 ikerketa zentroak ikastetxe bakoitzean egindako jardunaldi teknikoetan ikasitakoak ere.

Jarraian, eta Galdakaoko Udalak eskainitako aperitiboen ondoren, Eskolako Agenda 21 Foroa egin zen, eta bertan parte hartu zuten Ruben Seoane Jasangarritasun eta Parte-hartze Zinegotziak, Udaleko ingurumen teknikariak eta Eusko Jaurlaritzaren Ingurugela-CEIDAko Miren Aguirreazkuenagak, ikasleekin eta horiekin joan ziren irakasleekin batera.

Udalak ongietorria eman ondoren, ikasleek aurten Eskolako Agenda 21en baitan egin dituzten jardueren berri eman zuten, besteak beste, hauen berri: prakak berrerabiltzea poltsak egiteko (Andra Mari BHI); Arcimboldo pintorean inspiratutako autorretratuak (Bengoetxe BHI); Ekonomia zirkularrari buruzko jardunaldia eta erakustaldi esperientzia bat nekazaritza eskola batekin batera (Galdakaoko ostalaritza eskola BHI); garbitasun taldea Bizkaiganen, eta gizakiaren esku-hartzearen ondorioak ingurunean (Eguzkibegi Ikastola HLBHIP); lorategi bertikala (Elexalde BHI) edo aldaketa klimatikoari buruzko literatura sariketa (Galdakao HHI).

Azalpen horren ondoren, ikasleek Udalari aldaketa klimatikoarekin lotutako proposamen hauek luzatu zituzten: 1) Ekonomia zirkularra sustatzea, 0 km filosofia indartuz; 2) “Haragirik gabeko eguna” bultzatzea; 3) Bizikleta elektrikoen alokairua; 4) Energia iraunkorraren aldeko ekintza plana.

Ikastetxeek ere zenbait konpromiso hartu zituzten: garraio publikoa edo beste garraiobide jasangarriak gehiago erabiltzea; ur hotza erabiltzea eskuak garbitzeko, edota hondakinak murriztu, berrerabili eta birziklatzea.

Udal arduradunek eskertu egin zuten egindako lana, eta, eskaerak jasotzeaz gain, iazko eskaeren jarraipena egin zuten; guztiak ari dira gauzatzen eta horrela jarraituko dute.

Galdakao_foro

 

 

Ikastetxeen aurkezpena

Udalaren aurkezpena

UDAL FOROEKIN IKASTURTEARI ITXIERA EMAN DIOGU!

Arrigorriaga, Etxebarri, Galdakao, Ugao-Miraballes eta  Urduñako ikasleak Udal foroetan ikasturtean zehar eginiko lana aurkeztu diote udalari eta horrekin batera baita hartu dituzten konpromisoak eta Udalari luzatzen dizkioten proposamenak ere, denak herrian Espezie exotiko inbaditzaileen presentzia ekidin eta murriztera bideratuak daudelarik.

Galdakaon  Udal Foroa aurretik Bengoetxe, Elexalde, Andra Mari, Ostalaritza Eskola , EPA eta Eguzkibegi ikastolako ikasleak Eskolarteko Foroan elkartu dira, bertan,  ikasleen artean  Udalari lehenetsitako proposamenak eta konpromisoak adostu dituzte.

Hauek dira 2016-2017 IKASTURTEKO PROPOSAMENAK ETA KONPROMISOAK

ARRIGORRIAGA 17-06-08

GURE PARTETIK ZER?: (Gure konpromisoak):

  • Ez erosi edo adoptatu hemengoak ez diren animaliak.
  • Ez landatu landare inbaditzaileak.
  • Ez abandonatu etxeko animaliak eta ez askatu edozein lekutan.
  • Lorategi bat landatzerakoan zer landare jartzen ditugun kontrolatzea.
  • Herrian horrelako espezieak ikusten baditugu udaletxera deitu.

UDALAREN PARTETIK ZER? (Gure proposamenak Udalari):

  • Landare inbaditzaileak erre, moztu edo pozoia bota landare inbaditzaileekin amaitzeko. Bakteria batzuk sortu pozoi moduan, espezie horiekin amaitzeko.
  • Espezie exotikoak jaten dituzten animaliak ekarri.
  • Animalia exotikoak gure ingurunean askatzea debekatu kartelen bitartez.
  • Espezie inbaditzaileak dauden eremuak mugatu eta ahal den neurrian hauek desagerrarazi.
  • Ingurunea birsortu bertako espeziekin.
  • Tailerrak egin kontzientziatzeko.

arrigoforo

                                                                                        Arrigorriagako Udal foroko partaideak

 GALDAKAO 17-05-26

GURE PARTETIK ZER?: (Gure konpromisoak):

  • Inbaditzaileak dauden lekuetan hauek moztu eta garbiketa egin.
  • Liztor tranpak ipini.
  • Belar gune batzuk ez moztu eta nektar duten loreak urtero landatu.
  • Landare edo animalia exotiko bat ikusten dugunean Udalari abisatuko diogu.
  • Gure inguruan eta etxeetan informazioa zabaltzea.
  • Animaliak eta landareak erosterakoan espezie inbaditzaileak ez direla kontuan hartu.
  • Baldin eta etxeetan animalia edo landare inbaditzaile bat badugu kontrolatu.
  • Informazio kanpainak abiarazi.

UDALAREN PARTETIK ZER? (Gure proposamenak Udalari):

Sarbideak moztu:

  • Herriko lorategietan bertakoak diren landareak       ipini eta inbaditzailea izan daiteken landaredia ekidin. Nahiz eta landarea polita izan inbaditzailea bada kaleetan ez jarri.

Behin sartuta dagoenean, espezie inbaditzailea kontrolatu eta/edo desagerrarazi eta ingurunea birsortzeko

  • Landare exotiko berri bat ateratzen den bakoitzean Udalak kontrolatzea.
  • Landare exotikoak kentzeko talde bat sortu. Taldea sortzeko bi aukera daude: boluntarioez sortutako taldea eta/edo Udal aurrekontuko diru partida bat bideratu herrian langabezian daudenak kontratatzeko eta espezie inbaditzaileak kentzeko lanetan ibili daitezen.
  • Kontrol biologiko eta kimikoak egin espezie exotiko inbaditzaileen aurrean: landareen kasuan sustraietarik ateratzea lehenetsi eta animalien kasuan harrapatu eta gune kontrolatuetara eraman (egokitze momentuan desagerraraztea)

galdakaoforo

                                                                                               Galdakaoko Udal foroko partaideak

UGAO-MIRABALLES 17-06-05

GURE PARTETIK ZER?: (Gure konpromisoak):

  • Ez jolastu espezie inbaditzaileekin, ADIBIDEZ, panpa-belarraren plumeroekin ez jolastu haziak sakabanatzen ditugulako
  • Ez askatu espezie exotikorik gure inguruan, ezta landatu ere.
  • Udaletxeak antolatutako ekimenetan parte hartu.
  • Espezie inbaditzaileei buruzko informazioa ikasi, ondo identifikatzeko
  • Udaletxera deitu espezie inbaditzaileren bat ikusten dugunean.
  • Erreketan ur jarduerak egiten ditugunean kontuz ibili eta materiala ondo garbitu, zebra mejiloia ez zabaltzeko, besteak beste.

UDALAREN PARTETIK ZER? (Gure proposamenak Udalari):

  • Informazio kanpainak abiarazi herritarrak kontzientziatzeko eta espezie inbaditzaileak zeintzuk diren erakusteko.
  • Baso eta errekak garbitzeko ekimenak antolatzen jarraitu. Inbaditzaileak kendu (Tximeleten lorea, Panpako lezka, Sasiakazia, Fallopia japonica) eta bertako ekosistemak birsortu bertako zuhaitzak landatuz.
  • Informazio telefono bat jarri.

ugaoforo                                                                                                   Ugaoko Udal Foroko partaideak

 ORDUÑA 17-06-05

GURE PARTETIK ZER?: (Gure konpromisoak):

  • Espezierik ez askatzea.
  • Oporretan goazenean kanpoko espezierik ez ekartzea.
  • Gure artean taldeak antolatu herriko basoetan espezie exotiko inbaditzaileak kentzeko eta bertakoak sartzeko.

UDALAREN PARTETIK ZER? (Gure proposamenak Udalari):

  • Erreka eta baso inguruak garbitu, espezie inbaditzaileak kendu eta bertakoak landatu.
  • Kanpaina informatiboak martxan jarri herritarrak kontzientziatzeko.
  • Isunak jarri espezie inbaditzaileak askatzen dituztenentzat edo ,kontrolik gabe, euren etxe inguruetan landatuta dituztenentzat.

orduñaforo                                                                                                   Orduñako Udal Foroko partaideak

ETXEBARRI 17-05-17

GURE PARTETIK ZER?: (Gure konpromisoak):

Sarbideak moztu:

  • Bidaian goazenean atzerrira ez ekarri bertan hartu edo erositako animali edo landarerik

Kontrolatu:

  • Ez askatu animaliarik; are gutxiago exotikoak badira

Desagerrarazi/Birsortu:

  • Gure artean taldeka antolatu eta mendira joan espezie inbaditzaileak kentzera
  • Erakundeek antolatzen dituzten jardunaldi eta ekimenetan parte hartu

Sentsibilizazioa:

  • Bertako espezieak eta ekosistemak zaindu

UDALAREN PARTETIK ZER? (Gure proposamenak Udalari):

Sentsibilizazioa, Informazioa, Kontrola:

  • Kanpaina informatiboak martxan jarri herritarrak kontzientziatzeko eta espezie inbaditzaileak ezagutu ditzaten.
  • Telefono informatibo bat jarri herritarren galderak erantzuteko eta baita espezie inbaditzaileak ikustean abisua eman ahal izateko.
  • Herritik zehar, eta batez ere, espezie inbaditzaileak dauden lekuetan panel informatiboak instalatu.
  • Inguruko herrien artean antolatu ekimen bateratuak martxan jartzeko.

Desagerrarazi/Birsortu:

  • Espezie inbaditzaileak kentzeko jardunaldiak antolatu. Era berean, bertako landare eta zuhaitzak landatu ingurunea birsortzeko.

etxebarriforo

                                                                                         Etxebarriko Udal Foroko partaideak

GALDAKAOKO ESKOLEN ARTEKO FOROA

Ekainaren 1ean eta Udal foroaren aurretik Eskolen arteko Foroa ospatu genuen Galdakaoko ikastetxeok. Foro honen helburuak hauek izan dira:

  • Ikastetxeen artean ibilbideko emaitzak amankomunean ipintzea.
  • Ikastetxeen artean lehentasunezko PROPOSAMENAK aukeratzea eta baita KONPROMISO amankomun bat ere herri mailan PRAKTIKA EGOKI bat garatzeko.
  • Ikasleen artean Alkateari eskolen arteko foroko emaitzak aurkeztuko dizkion bozeramailearen aukeraketa egitea.

 

GAKDAKAO 1

Eskolen arteko foroan ikasleak bozkaketa egiten

Aurreko guztiaren ondoren, ikastetxeok Eskolen arteko foroan ONDORENGO PROPOSAMENAK LEHENETSI DITUGU:

  1. Basoetan eta gune berdeetan dagoen zaborra kendu.
  2. Bertako zuhaitzak landatu daitezkeen zonaldeak identifikatu herrian.
  3. Udalak herrian ortu organikoa eta jasangarriaren kontzeptua zabaltzea prestakuntza hitzaldien bitartez.
  4. Leku publikoetan FSC edo PEF ziurtagiria duen egurraren erosketa lehenestea.

Lehen eta bigarren proposamenekin lotuta, honako KONPROMISO AMANKOMUNA adostu dugu:

Udalak bertako zuhaitzen landaketa egin edota zaborrak kentzeko ekimenetan ikastetxeen parte hartzeko konpromisoa.